苏州闲话,让伲一淘来讲。
  • 首页
  • 吴语与苏州话
  • 苏州话拼音教程
  • 苏州闲话教程
  • 苏州闲话正音
  • 苏州方言文化
  • 文学戏曲
  • 广播电视娱乐

不律输入法

(更新:2013年02月14日)

简介

不律输入法,即小狼豪(吴语定制版),是基于小狼豪中州韵输入引擎修改个程序,继续遵照 GPL 协议发布。俚采用吴语协会拼音方案作为输入方式,为仔能够提高输入速度,对部门字母采取了简写方式。例,用“q”代替“ch”,用“n”代替“ny”等。

目前,不律输入法除脱支持苏州闲话之外,还支持上海闲话搭仔宁波闲话,其他闲话个还勒陆续开发当中。

使用不律输入法,弗但可以实现吴语个直接输入,外加可以提高使用者对吴语字音个正音能力。

宕落链接

请依次宕落并安装下头个安装程序。(Windows XP 且未安装 Microsoft .Net Framework 3.5 SP1 个用户请先宕落安装(35MB),Windows 7用户无需下载。)

1. 小狼豪输入法(吴语定制版)

2. 「不律」吴语拼音增补方案集

注:部份杀毒软件(譬方讲360、金山毒霸)作兴会得误报病毒,请倷人工判别!

交流释疑QQ群:22170462

安装及使用说明

首先请倷安排上头“宕落链接”依次宕落安装。勒海宕落过程当中,作兴会碰着某些杀毒软件个误报,譬方讲金山毒霸,如果倷相信我伲个说话,请倷添加到信任列表当中,如下图。

一般设定:根据倷个需要,勒设定中勾选苏州后者其他个。(提示:开启普通话反查功能必须勾选普通话)

地区方案切换:当倷勒海转入过程当中,如果想要切换地区(苏州闲话调成功上海),嘦得揿个F4后再选择就好哉。

模糊音设定:勒“拼音设定”中,选择“苏州”,可以对苏州闲话进行模糊音设置,譬如讲倷分弗清爽“官”“干”个,就好勾选“官干不分(uoe->oe)”。我伲勒该搭建议大家,最最好样样侪好分。

输入搭仔简写:所有侪弄好过后,就可以输入哉。当然输入过程当中可以支持倷勾选个模糊音搭仔俚本来就支持个拼音简写。

普通话反查:如果说,有种介字倷弗清爽是啥个拼音,箇末可以使用普通闲话反查功能。例:弗晓得“俗”是啥个拼音,嘦得输入`su,就好寻得着哉。

访问不律官网(http://wu-chinese.com/ime/)

特别鸣谢及声明

我伲勒海该搭地特别鸣谢中州韵输入法引擎(RIME)开发者「佛振」个贡献。

小狼豪(吴语定制版)是基于小狼豪中州韵输入引擎修改个程序,继续遵照 GPL 协议发布。俚搭仔「不律」吴语拼音增补方案集属于两只独立个软件产品。其程序源代码附勒浪下头:

宕落

|   关于本站  |   本站声明  |   站务论坛  |   大事记  |   FAQ问答  |   系列活动  |   苏州方言调查  |   媒体摘录的苏州方言报导  |   网络吴语电台©RK  |
苏州闲话——让伲一淘来讲——苏州方言资料站——学说苏州话公益站
民间个人发起个最大个苏州闲话非商业性纯公益性网站
苏州闲话网站版权所有(C)2006-2011  |  联系我伲: [email protected]
***为仔浏览效果,建议使用IE8或FireFox、Chrome、Opera、Safari等其他非IE核心个浏览器***