关于苏州闲话正音
(更新：2007年2月24日)

＿＿语言是随时代个发展而变化个。所以讲，呒畀发展个语言，实际浪向就是一种死脱个语言。苏州闲话的确阿勒海发展之中，大量个新式词汇而进入仔倪个苏州闲话当中。但别过，苏州闲话个发展是一种弗大正常个发展。因为越来越多个人已经讲弗准苏州闲话哉。

＿＿今朝头倪开辟《苏州闲话正音》个个板块个主要目的，就是针对现在生活当中常见个发音错误，来帮助已经会讲的苏州闲话个朋友们纠正一些勒海弗经意中走仔样个发音，从而将苏州闲话搭仔苏州文化好好佼个传承下去。

＿＿另外一点，讲好苏州闲话弗代表就是弗讲普通闲话。唉两者之间应该是相辅相成个，而弗是矛盾个。勒海适合个场化，让相倪一道来讲苏州闲话哉啘。

*因倪缺乏经验，里向难免有错误，所以倪欢迎大家及时搭倪指出、讨论，倪啊欢迎大家向倪提供资料搭仔建议、意见。