标签归档:评弹

袁小良:周立波,你别贬低苏州话

查看来源:名城苏州 名城新闻网讯(记者 何祺祺)今天(1月8日)上午,国家一级演员,著名苏州评弹艺术家袁小良来到苏州中学,参加了中国苏州评弹博物馆走进校园系列活动的启动仪式。他表示,愿意为评弹艺术走进苏州的大学和高中,奉献自己的力量,计划在3年内,让评弹艺术”请进来,走出去”,培养未来的评弹观众和爱好者。 演讲一开始,袁小良却首先与苏中学生们提起了上海的周立波,他表示,周立波在一次海派清口节目中,对吴侬软语的苏州话进行了讽刺和贬低,这是对苏州话的不尊重。上海话和苏州话同属吴语区,苏州话最具吴语的代表性,苏州评弹也被誉为中国最美的声音,周立波以身为上海人而骄傲,但对苏州话的调侃着实不太礼貌。 一小时的演讲结束后,袁小良接受了媒体采访。他告诉记者,周立波的海派清口确实有了一些成就,周立波的表演也上升到了一定境界。但他时常在表演中贬低他人、顺嘴胡诌,直呼其名的方法并不可取,不得不说,一些低级趣味迎合其中那部分同样喜好低俗的观众。身为一个上海人而感到骄傲并没有错,但对他人保持尊重还是必要的。周立波本人今后的走向值得他思考。

发表在 媒体动态摘录 | 标签为 , , | 留下评论

玄妙观的变迁

[袁唱]玄妙观 [王唱]声望高 [袁唱]一千余年 [王唱]历史悠久 [合唱]到今朝 [袁白]中外宾客慕名至,旅游季节人如潮。走进山门真热闹,饮食店招徕主顾高声叫。 点心花色交交关,有豆腐花、粢饭糕,汤团、馄饨、油氽饺, 葱油薄饼、包油条,生煎馒头、蟹壳黄,鸡鸭血汤味道好。 糖粥赤豆糊,炒面肉丝浇,喜蛋茶叶蛋,蟹肉小笼包,藕粉圆子海棠糕。方糕、蜜糕、猪油糕。 大小饭店好几家,有绍兴加饭、洋河大曲酒香扑鼻到处飘。 炒鳝糊、炒虾腰、清蒸甲鱼营养好,蜜汁酱方火功到。

发表在 戏剧欣赏 | 标签为 | 留下评论

(七) 说表二

说表呢,弗但要编写得好,而且还要表达得好。掌握搭运用好说表是评弹艺人表演艺术当中很重要个一个方面。平常我伲说,一个艺人书说得好弗好,也就是指个俚能弗能运用好说表。说闲话呢,人人会说;说书呢,倒弗是人人侪会说个。因为说书啦,除脱要组织好说表,用词要精确、生动,更主要个呢还要掌握好语音、语气、语调,要拿说表个内容根据思想感情要求,恰当个传达畀了听众。说书人为了要满足听众艺术欣赏搭审美个要求,说表个辰光呢要主要到自家个音色、音质、力度、速度。好个说表赛过像唱歌一样,轻、重、快、慢,一样等粗,侪有一定个法度。音色呢又要悦耳动听,强弱、高低形成对比,对听众呢自有一种魅力。说表好个要讲究精、气、神个完备,而最主要个呢,是一个“情”字。情感要饱满,有了内在个感情,那么喏,以情带声,才能够口呈心言。那么现在呢,请老听众听脱一段录音,就是刘天韵勒《老地堡》第三回当中个一段录音,搿个刘天韵勒浪演老地堡搿个角色就可以说,俚是以情带声了感情饱满。先请听一段 刘天韵 个说表: [录音片段]

发表在 评弹知识讲座 | 标签为 , | 留下评论

(六) 说表 一

今朝呢是评弹知识讲座个第六讲,说表——之一,由 廖望 供稿。 评弹呢又叫说书,主要呢就是用口语来表达书情。所以呢说表是评弹个主要手段,而口语呢是评弹塑造艺术形象个主要材料。离开了说表呢其它个手势、表情、弹唱等侪呒不办法表达完整个心情,塑造完整个人物形象。评弹所用个口语呢也弗同于一般日常生活个语言。一般日常生活个语言呢往往是比较粗糙,自然形态个啦,有种么繁琐,有种么还有点直,就是弗哪哼顺啦。而评弹所用个语言呢,是一种进过提炼加工个艺术语言。俚呢是比较精炼、正确、生动搭富裕形象性。现在呢我伲先请大家听一段《玄都求雨》钱笃招出场个一段表,由 刘天韵 讲: [录音片段] (评弹)刚巧刘天韵搿个一段表啦就拿钱笃招哪能出场就表出来则。评弹是通过说表来描写人物、叙述情节,勒听众个头脑里向引起各种想像搭仔联想那么产生艺术形象。评弹个说表呢,弗受时间空间个限制,是比较灵活自由。那么再经过历代一人个丰富、加工,除了用说书人个口气来叙述意外呢,再增加了书里向人物个道白。 说书人个叙述呢一般是用第三人称,搿么书里向人物个道白呢一般侪用第一人称。再由此化出来各种说白。评弹一人呢称之为六白。哪亨六白呢,就是官白、私白、咕白、表白、衬白、托白搿个六白。官白呢,就是脚色主里向讲个闲话,搿种官白呢有时啦是从昆曲啦或者京剧当中吸收过来个中州韵,有时呢也用苏白,或者呢各地个方言。譬如像《玄都求雨》当中就有实梗一段官白,搿么再请听搿段录音: [录音片段]

发表在 评弹知识讲座 | 标签为 , | 留下评论

(五) 开篇

现在呢就请听评弹讲座第五讲,由廖望同志供稿。 第五讲个名目呢叫开篇。开篇呢原来是放勒正书门前演唱,俚搭正式演唱个书目呢,勒内容浪呒不关系个,是一种附加节目。评弹呢最早啦是勒茶馆里向演出个,听书个人么可以吃茶、吃点心、吃零碎,(阿烟)搿辰光书场里蛮闹猛个。五香豆了,啥个黄莲豆了,干炒梅子,金花菜了,吃物事。那么说书呢又呒不锣鼓闹场,那么搿个一人凭一个人个喉咙要使书场里向嘈杂,罗嘈个声音静下来啊,用啥个办法呢?那么就想出来,勒正书演出之前,先拿起乐器来么,弹脱一小段。那么其他么再唱,唱一个小节目,用搿个办法让听客安静下来,然后呢再聚精会神听书。那么艺人呢,借仔搿个开篇啦,朗朗喉咙,试试嗓音。因为搿个辰光呒不啥个种定音(叫叫),弗晓得今朝个喉咙能唱到啥个程度。那么先唱只开篇呢,试试喉咙。定音定得高么,还可以打底点,定得忒底么,再(和)高点。开篇呢,所以成为叫“开”,也就是有点“开始”了、“开场”个意思。所以,最早个辰光呢对开篇要求弗高个,就是平铺直叙唱几句。 后来呢,开篇个唱词啦,比较讲究,一般是用七言为主个,俚接近唐诗。所以过去也有人称(其)为唐诗开篇。搿么开篇个作者呢,一个是演员自家,像从前个老先生马如飞阿等等侪自家写开篇个。还有种是听客,听客当中个有文化个人也写了弗少开篇。弹词开篇个题材、风格是多种多样个。有种有专门个赞颂人物个,像诸葛亮阿、李太白(阿)、岳云阿。也有呢,专门叙述故事,比方像《刀会》、《战长沙》、《杜十娘》、《林冲夜奔》、《黛玉焚稿》、《潇湘夜雨》等等。也有呢专门描绘景物个,搿只开篇里向就是唱点风景,像啥个《西湖风景》阿、《梅竹》阿等等。再有呢滑稽风趣个白话开篇,想啥个《颠倒古人》阿、啥个《螳螂做亲》,就是实梗比较有趣。那么现在呢就请听薛筱卿唱个《螳螂做亲》个片段:

发表在 评弹知识讲座 | 标签为 , | 留下评论

(四) 中篇短篇分回

请听评弹知识讲座第四讲,中篇、短篇搭仔分回,由 廖望 同志供稿。 中篇、短篇搭仔分回。传统个长篇呢是每篇一回,有俚个连续性格。倷每天听下去,听仔前头个再听后头个呢,哦哟,搿是听来搿个书呢,亦听亦有味道。但是,倘使倷当中抽个一两回出来听听呢,对书请弗大熟悉个人呢,哎,就会觉着丈二个和尚,头路也摸不着则。特别像建国以后,大家忙于工作,建设社会主义。为了适应实梗一个新个情况呢,为仔使得听众能够勒一个夜里个向,用一个夜里个辰光,听到有头有脑一个完整个故事,所以一九五二年呢,上海市人民评弹团参加《治淮》宣传回转来啦,俚笃尝试创造了一种最最新个说唱形式,啥物事呢?搿个形式一般讲起来包括三到四回,每回书大概唱四十五分钟到一个钟头左右,全部故事说完么也不过两三个钟头。为仔要区分原来个长篇形式,参考小说分类个方法呢,一般称俚为中篇。中篇演出辰光啦,有辰光评话演员搭弹词演员同台合演。哦哟,实梗一来么各显所长么各有千秋。所以,一般人称为中篇评弹。第一部中篇评弹就是上海市人民评弹团演出个《一定要把淮河修好》。现在请老听众听朱慧珍勒浪《淮河》中篇当中唱格《新年锣鼓响连天》: [录音片段]

发表在 评弹知识讲座 | 标签为 , , , | 留下评论