评弹《描金凤》选段

叫旗牌官豪sau点去,请仙人出来,谈谈说说,弄点点心畀俚吃吃,到天亮(囔末)请俚上台。旗牌官要紧过来,桃花门关勒浪。
“TAI,开门,”嘭!
钱笃苕勒浪吃得酒水糊涂,听见碰门,心勒发荡呀。一看末两个小道士浪打瞌{目充}。
“小道士啊,小道士啊,醒醒”
“仙人啊,作啥啊,问倷”
“外头有人勒浪碰门”
“呒不人碰门啘”
“啥个呒不人碰门,仙人轮指阴阳算出来就要碰快哉”
“真个啊?”
“开门”嘭!
“喔唷。”
“啊是个啊是个……”
“嘿嘿,实头是个喏,我去开门喔”
小道士过来开门一看末,四个旗牌。箇末蛮好,说”等一等喔,我马上请仙人”,回到里向。
“仙人啊,畀倷猜着,实头是个”
“啥人啊”
“外来四个旗牌呀”
“四只蹄髈?统吃”
“啥个四个蹄髈,四个旗牌老爷”
“旗牌啊?!”"哎~”
“要请我去上则啘”
“请倷去求雨哉”
“上末就是烧勒咯,”
“说得出个来,倷有本事末求下雨做官,囔烧呢。”
钱笃苕想随便吧,总归模竖横。不过求雨末要像个求雨个样子。对自家身浪一看。

“小娘儿啊,”
“哎,仙人啊”
“我要问尔笃师傅啊,借几样物事”
“啥物事倷讲嬢,借啥啦”
“头浪向借一顶莲花冠”
“莲花冠?”
“身浪向借一件大个法衣,还要借一块朝板。”
“朝板?”
“仙人朝将啊侪要派用场个”
“呃”,僵哉。小道士转念头,衣裳、帽子侪好拿旧个,朝板伲师傅侪是出价个,象牙朝板呀,看倷该种腔调弗像求得落雨啘,等歇要烧个啊,拿箇象牙朝板烧脱师傅覅骂我个啊。实梗,弄块木头个弄弄则啘。
“我去则啊!”
“小道士啊慢慢较,朝板要末覅借,要借借象牙个啊,倷想拿块木头个畀我,啊对?”
“倷囔晓得嗄?”
“仙人法眼啊,看到倷骨里得来”
“喔唷唷,箇是真正好孛相个,看得出个诺,箇末去拿则喔”
借好物事到里向,仙人啊,来哉来哉来哉”"
头浪向桃巾去脱,莲花冠一戴,自家衣裳弗脱了,就拿件法衣一罩。
“朝板,实头象牙个”,
“小道士啊,”
“喔唷,仙人啊”
“倷看啊登样啦,”
“喔唷,着实啘,人要衣装佛要金装啘,实梗一来性倷看着实登样”
“喂,仙人啊,我倒想问声倷看”
“问点啥?”
“倷哪哼再晓得今朝初三要落雨则嗄?”
“倷问俚作啥啦?”
“我想学点本事”
“年纪轻轻要学本事,仙人欢迎个”
“真个啊?”
“我确保收”"我讲畀倷听”"不过倷外头……”

此条目发表在 戏剧欣赏 分类目录,贴了 , , 标签。将固定链接加入收藏夹。

发表评论